§~ Emily ~ §

今天來講番前兩天發生的事....

其實上個月有消息棟樑會在八月來港的時候, 我同魚魚就決定今年暑假不外遊, 免得又錯過今次的機會。

上兩星期才有通知, 八月廿九日張棟樑的【沉默的瞬間】首次在香港辦簽唱會; 不過, 出了一個消息就是主辦場地的德福商場要求, 每人要購物滿$400, 還要用電子貨幣才可以換到一張簽名入場証...唉!還要在八月廿二日中午開始換....當天真是趕得要命呀!!!! 放工...即搭MTR去九龍灣會合阿藍....就開始我們的掃貨行動....終於換了兩張証...放下心頭石。後來知道在下午兩點多換晒~~~我都估唔到張生在香港有貢多人撐佢...好在有通知各姐妹早D去......我們的朋友大多有証進場....

到八月廿九日下午兩點到場, 阿藍、Pasty、黃婆及紫妍等...感謝幫忙一大清早去霸位, 當天的司儀是朱薰都幾攪笑, 張生就仍舊"瘦"到甩褲, 又風趣, 玩完Game, 就開始唱歌, 好好聽, 佢每次live都好正, 冧死人.... 魚魚都睇得好開心, 後來, 進場簽名時, 我就掛住影相無同張生講野...好後悔...知道黃婆有bonus"署名" 魚魚第一次見張生, 好鬼緊張同佢握完手, 仲話今天不洗手.....哈哈....

八月三十日 首次官網聚會

 

     在幾個月前收到通知, 她兩(大mo & LUN)會來香港......

很期待......

昨天, 我們終於再次見面, 還有一個好像認識了很久仍未有機會見面的SUSAN呀！

   今日得閒少少, 可以來這分享一下啦！

事發日期 : 9月30日

事發時間 : 晚上7:30

事發地點 : 尖沙咀安達中心地庫 CEO NEWAY 卡拉OK

九月之壽星 : 小寶與我

我今年生日, 多了一班姊妹向我說祝福語！真的多謝你們的心意！謝謝~~謝謝

生日就代表我又老一歲, 人大了真的不像年輕時的心情了, 一切都低調進行。

今年也沒什麼特別, 最特別就是昨晚來了一個【黑格比】颱風同我預祝生日, 令我預早約好去食的自助餐也要被迫取消！悶悶在家與【黑格比】齊過12點。

今早清晨五點多就收到第一個"生日快樂"的sms(可能他是被颱風嚇醒, 睡不著覺吧)........朋友們用不同的方法向我祝賀.........sms, msn, facebook, email, phone.........還有........遠洋的長途電話........真的很開心.......因為你們都很有我心.......謝謝謝謝~~~

祝大家生活愉快

每個星期一的晚上, 都是我的happy hour就是坐定定上網看台劇, 近期當然是追看"無敵珊寶妹"。

前天, 當我看到第五集內很有魅力的孫無敵擁抱著珊寶妹時, 播了"不甘示弱"出來, 令我不禁要回看那段落。就是要聽清楚棟樑那把能吸引著我的聲音, 好興奮呀！

《不甘示弱》......真的很好聽......我極力推介.........

另一段要提及的, 是當珊寶妹帶叉燒飯到無敵家, 無敵以為是亞牆那段, 棟樑在客廳把腳放在茶几上, 棟樑裝豪邁太可愛了。

第五集的孫無敵.....我愛死你呵！

上星期五睇到妤妤家課冊寫, 下星期二要交一個"視覺藝術"的功課, 其實 "視覺藝術"即是我地小時候的"美勞科"。一問之下, 才知道開學第一個勞作功課是大project呀！ 要用學校提供的『泥膠』--- 與平常的泥膠不同---去做一個房間或客廳, 妤妤永遠都是捨易取難, "房"應該比較易做 : 床、衣柜等就可以。"廳" : 要做很多家俱！ 唉....

尋日中午我已向專業的小芝請教, 用『泥膠』做一個室內設計, 都要多謝小芝呀！ 我尋晚把之前從公司搜集的物資拿出來, 正式動手幫佢玩下, 我小時候美勞科的成績都不太好, 我都無咩頭緒, 給大家看看 ：

 

大家認為D個功課得唔得呀?

話說以往從我與老公拍拖起, 每年做什麼節一定要在正日, 仲要係在奶奶家吃的。

今年她老人家說手痛煮不了, 她的四個無咩溝通的仔女當然無問題啦, 但正日出去食.....又多人又貴又無氣氛....

下下仲要比人趕鴨仔, 催交枱, 未到時間也要你先埋單....總知就一肚氣果隻。

今年, 經我與老公商量後, 改到我家做節, 鬼叫得我一個新抱呀! 奶奶聽到不知幾開心, 因為自從無用工人之後(都有三年), 我都無再請佢地來過我家。

我同姑奶想好煮什麼, 原本我負責三餸一湯, 她負責兩餸, 到落實時, 變左佢煮一個, 其他我攪掂, 其實我不太會煮, 而且之前一天仲要玩到點幾先瞓。好彩, 我有個好爸媽, 為我安排好一切, 真係要錫晒佢地。

今天中秋前夕, 天氣: 炎熱, 月色 : 美, 地點 : 馬鞍山單車公園 (都好偏僻難找)

有個好朋友安排左今天的活動, 踏單車加BBQ, 妤妤八歲多還未學懂踏兩輪的單車, 原因都是現在的小孩太忙, 跟本無時間教她, 她又無機會去學。

今日食到一樣我很久都無食過的東西.....冰菠蘿.....過癮

我想我同老公兩個都很久無踏過單車, 都有六七年啦！一於玩番夠, 玩到無力, 就開始BBQ啦.....食物不用講了...yummy~~

小朋友就掛住玩連雪糕都吸引唔到佢地！ 何況是BBQ食物。一行廿人玩到11:30散場 

早在七月十六日, 本人已在官網看到以下POST, 一直期待以久的DVD終於出來了, 我亦透過官網及YESASIA也訂購了, 奈何至今遲遲未到手

命運......是不能控制！
生命......又能掌握嗎？
身體......總可以吧！

上月底, 我公司有個會計妹妹仔走咗！佢出去找到一份好工, 她的好工的定義是人工高, 福利好, 工作量少。

這件事令到我的妹妹仔個心陏陏 前日就同我傾, 話朋友介紹份工比佢, 問我點睇！唉....我當然知道她是有能力去找過一份好工啦！我個心亦不想放她走, 但我不能太自私拉住佢！所以經同佢分析下, 佢應該是"走"的。我都想佢有好的將來。

D個消息對我來說, 簡直係晴天霹靂啦 她跟咗我四年幾, 大家做事已有很好的默契。她的辦事能力也相當之高, 不用我太費心！現在失了D隻"左"手, 我真是頭痛呀！還未知何時會請到新人又要重新去教一個！我真的不敢想像下星期之後我要做埋她的一份點死 

是不是每間公司總有一兩個衰人角色呢？

但我公司D個高層(老板之下, 眾人之上), 佢是一位開國功臣, 理應這個位很受人尊重, 但此女我確是對佢不能尊重。連她的下屬也對她有恨之入骨, 因她的個人修養及處理都很大問題。

簡稱"R"小姐, 先講她的個人修養, 

有感很久無寫blog, 七月中出來同小吉慶生, 本來想寫幾隻字, 但又總是提不起心情去寫, 小吉唔好意思呀！我部camera壞左, 你當晚影D相我還在補救中！

尋日天氣很反常, 十點起床時把房冷氣關掉, 出廳就feel到超焗, 我家住頂樓, 夏天真是比人樓下熱很多, 朝早熱爆, 下午就大雷大雨, 到晚上氣溫又上升。

我們一家三口在家吃過輕便午餐後, 要駒車從屯門(很北)藍田(東)....(很遠路程)....Libby book咗埸打兩個鐘頭羽毛球, 而今天超熱, 莫說做運動呀~~在家行去風扇或冷氣吹不到的地方, 都會出汗, 運動一陣就可以溶咗我啦！

期待已久, 張大少的第一場售票演唱會DVD《預產期》24 JUL 2008


我想我同很多無緣參與今次壯舉的果凍一樣, 個心很想很想在現場看到, 但無奈事與願違, 我盼望、期待地等它.....終於出來.....好興奮呀