話說以往從我與老公拍拖起, 每年做什麼節一定要在正日, 仲要係在奶奶家吃的。
今年她老人家說手痛煮不了, 她的四個無咩溝通的仔女當然無問題啦, 但正日出去食.....又多人又貴又無氣氛....
下下仲要比人趕鴨仔, 催交枱, 未到時間也要你先埋單....總知就一肚氣果隻。
今年, 經我與老公商量後, 改到我家做節, 鬼叫得我一個新抱呀! 奶奶聽到不知幾開心, 因為自從無用工人之後(都有三年), 我都無再請佢地來過我家。
我同姑奶想好煮什麼, 原本我負責三餸一湯, 她負責兩餸, 到落實時, 變左佢煮一個, 其他我攪掂, 其實我不太會煮, 而且之前一天仲要玩到點幾先瞓。好彩, 我有個好爸媽, 為我安排好一切, 真係要錫晒佢地。
到中午我同奶奶都講左幾個電話, 佢都無提過自己要食齋, 只是輕輕提我叔仔要食齋, 我想都有兩個菜比佢食, 應該無問題, 到下午三四點時, 大伯突然CALL我老公, 問煮D咩餸, 正在午睡的老公當然"依依我我"啦~~~仲話佢好問貢多...煩。
到下午五點到我家, 奶奶先同姑奶講自己要食齋(連我姑奶都唔知), 真不知好嬲定好嬲笑, 佢同佢D仔女平時是點溝通呀?佢自己要食點解唔直接同我講清楚, 又要叫個大仔打來問煮D咩, DD只是普通事, 大家預早說米好囉!
成晚, 我就在攪氣氛, 又拿相機拍下大合照, 又煮糖水, 我都自覺攞苦來辛。
大家睇到這裡, 一定以為我一定是惡家嫂, 其實平時奶奶唔敢向自己D仔女發卑氣, 成日都比說話我聽(有骨的), 仲成日攞我做磨心(好在老公都知)。 我地知道佢慳家, 在家唔開冷氣煮一餐食幾餐, 我地就唔想去佢家食晚飯要佢煮(雖然次次都是我洗碗同切生果), 就想約佢出去食干手淨腳, 仲開埋車入天水圍接佢,老公幾次都叫我打電話約佢亞媽(其實佢亞媽唔係想我打比佢), 佢亞媽就次次都左推右推, 一時就不想換衫出街, 一時又腳痛。 最近, 我老公就不想佢無得見妤妤 (因為得一個孫), 專程上佢家坐左個幾鐘比佢見下個孫, D個老人家, 成日以為用埋DD方法同D仔女相處就是好。 成日要人估佢想點....我地又不是佢肚裡的虫....點知啊!我自己娘家的人真的不是這樣相處的, 所以我不太慣DD婆媳關係。
留言列表